श्री अमरनाथार्तिक्यम्
ॐ श्री
॥ श्रीशङ्कर ॥
जय जय जय शिवशङ्कर करुणाघन ईश
काश्मीरगिरिविहारिन् जयजय अमरेश ॥ १॥
ॐ हर हर हर महादेव ॥ ध्रु. ॥
उद्यत्सूर्यसमप्रभ दुग्धार्णव धवल ।
प्रालेयाप्लुतमूर्ते स्मरभञ्जनशील ॥ २॥ ॐ हर .. ॥
जगदुत्पत्तिः सर्वा तव शम्भो लास्यम् ।
अवनेरवनं सुरनरसहितं तव हास्यम् ॥ ३॥ ॐ हर .. ॥
या ते रुद्र शिवातनुरमृता हिमवेशे ।
अभिचाकशीहि भगवन् तयैव हृद्देशे ॥ ४॥ ॐ हर .. ॥
हिमगिरिगह्वरवासं कृतकल्मषनाशम् ।
भक्तजनप्रियमीशं नमामि अविनाशम् ॥ ५॥ ॐ हर .. ॥
यो भक्त्याऽर्चयति त्वां अनन्यभावेन ।
कल्पतरुश्चिन्तामणिराप्तःखलु तेन ॥ ६॥ ॐ हर .. ॥
घनदसखं रत्नोज्वल-रूपं शशिशुभ्रम् ।
स्वयम्भुवं तं वन्दे शिरसाऽहमदभ्रम् ॥ ७॥ ॐ हर .. ॥
आर्तिक्यं तेऽस्तु मुदा प्रसीद परमात्मन् ।
विघ्नान् नाशय पूरय कामान् सर्वात्मन् ॥ ८॥ ॐ हर .. ॥
इति स्वामी वरदानन्दभारतीविरचितं श्रीअमरनाथार्तिक्यम्ं सम्पूर्णम् ।
भावार्चना (प्राचार्य अ. दा. आठवले)
0 Comments
If you have any Misunderstanding Please let me know